26.07.2017 "Асылыкүл" курорт паркы" үҫеш аласаҡ

Бөгөн Башҡортостан Хөкүмәтендә "Асылыкүл" курорт паркы" туристик-рекреацион кластерҙы үҫтереү буйынса килешеүгә ҡул ҡуйылды. Хәҙер күл урынлашҡан биләмәләр - Әлшәй, Бәләбәй, Бүздәк райондары үҙ-ара эшлекле мөнәсәбәткә инәсәк.
Осрашыуҙы Башҡортостан Хөкүмәте Премьер-министры урынбаҫары Фәрхәт Самедов етәкләне. Йыйылыусылар Асылыкүлдең Рәсәйҙә туризм өсөн иң ҡулайлы ун һыу ятҡылығы исемлегенә инеүе, бында туризмдың үҫеше кәрәклеге, инвестициялар, объект үҫеше өсөн "юл картаһы" булдырылыуы тураһында һөйләште.