02.02.2017 Ҡышҡы урман матурлығы

Альбина Зарипова хәбәр итә:
Беҙҙең Бөрйәнйылға ауылы тураһында (Баймаҡ районы) "Хоҙай үҙе ҡыҙығыр ер - ул", - тип бушҡа әйтмәгәндәрҙер ул.
Ошо көндәрҙә үҙҙәренең һаулығына битараф булмаған бер төркөм ҡатын-ҡыҙ ҡышҡы урмандың матурлығына һоҡланып сәйәхәт ҡылдыҡ. Ғинуар айының мамыҡтай түшәлеп ятҡан ҡарҙары, ағастарға эленеп торған тәңкәләре, сикәләрҙе семеткән һыуыҡтары, ҡыҫҡаһы ҡыштың үҙ матурлығы. Үҙебеҙҙең башҡорт шағирҙарының шиғырҙарын уҡып бер кинәнес алдыҡ.