23.12.2016 Владимир Путин башҡорт журналисы һорауына яуап бирҙе

Әлеге ваҡытта илебеҙ Президенты Владимир Путин менән ҙур матбуғат конференцияһы бара. Унда Өфө ҡалаһынан Марат Сәғәҙәтов атлы журналист Рәсәйҙең иҡтисади бойондороҡһоҙлоғо һәм илдәге патриотик кәйеф хаҡында һорау бирҙе.

- Беҙгә Башҡортостандағы хәл-торош яҡшы билдәле, - тип яуап бирҙе Владимир Путин. - 1812 йылғы Ватан һуғышында башҡорт халҡы 16 йәштән алып бөтә ир-егеттәрҙе атҡа ултыртып, ҡоралландырып яуға оҙатты. Бөйөк Ватан һуғышында ла ошо хәл ҡабатланды. Беҙ бының менән ғорурланырға тейешбеҙ.

Иҡтисади бойондороҡһоҙлоҡ тураһында һорауҙы ла илебеҙ Президенты урап үтмәне.
- Беҙ үҙебеҙҙең рейтинг агентлыҡтарын, консалтингыны булдырырға тейешбеҙ һәм беҙ быны эшләйбеҙ. Был структураларҙың эшмәкәрлеге асыҡ булырға, улар абруй менән файҙаланырға тейеш. Шунһыҙ уларҙың эшмәкәрлеге мәғәнәһеҙ буласаҡ, - тине В.Путин.