07.10.2016 Шәһит Хоҙайбирҙин исемендәге премия лауреаттары тураһында китап сыҡты

Ошо көндәрҙә Зәйнәб Биишева исемендәге "Китап" нәшриәте республикабыҙ журналистарының иң юғары наградаһы - Шәһит Хоҙайбирҙин исемендәге премия лауреаттары тураһында китап сығарҙы. Тиражы 200 дана булған баҫманы күренекле журналистар Фәнил Ҡоҙаҡаев менән Ризван Хажиев әҙерләгән. Китапта премия лауреаттары тураһында очерктар, һүрәтләмәләр, автор монологтары һәм биографик мәҡәләләр урын алған.
Әйткәндәй тиҙҙән Шәһит Хоҙайбирҙиндың тыуыуына 120 йыл туласаҡ, яңы китап был күркәм байрамға яҡшы бүләк буласаҡ.