26.09.2016 Композиторҙың исеме онотолмаясаҡ!

Баш ҡаланың Көньяҡ зыяратында халҡыбыҙҙың мәшһүр улы, арабыҙҙан бик иртә киткән композитор Салауат Низаметдиновтың ҡәберенә һәйкәл ҡуйылды. Тиҙҙән уны рәсми рәүешта асасаҡтар.
Ташҡа Салауат Әхмәҙи улының һүрәте төшөрөлгән, "Был ерҙә миңә бик күп әйтәһе бар, быға бар ғүмерем етмәйәсәк" тигән һүҙҙәр яҙылған. Унан тыш, һәйкәлдә композиторҙың барлыҡ опералары исемдәре, иң популяр йырҙарының береһе - "Күҙ нурым"дың ноталары бирелгән.