21.07.2016 Себерҙең янған урмандары төтөнө Башҡортостанды ла ҡапланы

Минзаля Султанова
Кала Кумертау куренмяй.везде шулай, немя икен был.кем беля?

Кисәнән бирле Башҡортостандың бар тиерлек урындарында төтөн ҡапланы. Был күренешкә күптәр аптыраны. Томан тиергә - артыҡ дымлылыҡ юҡ, төтөн тиһәң - ағас-фәлән янған еҫ юҡ.

Баҡтиһәң был күренеш смог тип атала. Беҙҙән әллә ҡайҙа ятҡан Ханты-Мансы автономиялы округында һәм Көнбайыш Себерҙә янған тайга урмандарының төтөнө беҙгә төньяҡ-көнсығыш елдәр менән килеп еткән. Аптыраҡ, эйе бит?

ХМАО һәм Көнсығыш Себерҙә әле тиҫтәләгән урында янғын ҡупҡан. Әйткәндәй Пермь крайында, Силәбе яғында, Свердловск өлкәһендә лә урмандар яна.