20.07.2016 Рәми ҒАРИПОВ Фекерҙәр һәм афоризмдар (15.07.2016)

Һөйләшһәләр әгәр туған телдә,
Телгә алыр улар мине лә.
Сөнки мин киләсәк менән бергә
Һаҡлап саптым, телем, һине лә.
(“Иң бөйөк һүҙ әйтелмәгән...”).

* * *
Һөймәйенсә, хыялланмайынса
Мөмкинме һуң
дөрөҫ йәшәргә?
(“Поэзия кисәһе”).

* * *
Һөйөнөстәр менән көйөнөстәр,
Туй күлдәге менән кәфендәр –
Бөтәһе лә бергә йөрөй шул ул.
(“Һуңғы хәбәр”).

* * *
Һөйөү бит ул оло ҡаһарманлыҡ,
Ҡаһарманлыҡ теймәй һәр кемгә.
(“Бары һиңә генә
туҡталғайным...”).

* * *
Һөйһәң, һөй һин үкенмәҫлек
итеп,
Эшләһәң һин эшлә емереп!
(“Ни ғәләмәт шашып йәшәйем мин...”).

* * *
Һөйһәң әгәр, һөй тик һөйөрлөктө,
Һөймәҫтәйе һөйөү татытмаҫ.
(“Юлға сыҡһаң, юлың оҙон булһын...”).

* * *
Һөйһөн,
Көйһөн,
Күркәм булһын кеше.
(“Кеше”).

* * *
Һөйә белһәң, һөй һин, һөй кешем!..
(Тибә-тибә лә бер туҡтай йөрәк...”).

* * *
Һуңлап әйтелгән фекер, хатта ул бөйөк булһа ла, рухи аҙыҡ була алмай.
(“Көндәлектәр”. 6. XII. 1963).

* * *
Һүҙ алтыны – уйлап һөйләүҙә.
(“Тимер юл”).

* * *
Һүҙ – әҙәмгә йыуаныс та,
Ҡыуаныс та, байлыҡ та.
(“Булһын һүҙең ҡыҙмаса ла...”).

* * *
Һәйбәт китап уҡығанда тиҙ таң ата.
(“Көндәлектәр”. 7. IV. 1965).

* * *
Һәр башҡортом минең йырсы
булыр,
Ат атланып сыҡһа тауҙарға,
Һәр башҡортом минең батыр
булыр,
Ҡорал алып сапһа яуҙарға...
(“Халҡым хаҡында”).

* * *
Һәр бер кеше – үҙе бер донъя.
(“Пилот яҙмалары”. 21. II. 1949).

* * *
Һәр бер тойғо ялған булһа, ул меҫкен тойғо рухи ғәриплек, фәҡирлек тойғоһо. Ләкин ул мөхәббәттә лә ялған булһа, был тойғо меҫкен генә түгел, ә ерәнгес бер әшәкелек.
(“Көндәлектәр”. 1963,