19.05.2016 Билалдар, үҙебеҙ ашаған табаҡҡа төкөрмәйек әле!

Гәзитебеҙҙең тоғро дуҫы Райхана Булатова хәбәр итә:

Кешеләрҙең тәбиғәтте шул тиклем ҡыйлауына күңел әрней, йән әсей! Баймаҡ районының Билал - Күгиҙел ауылдары араһында ҡыйлыҡ бар. Күптәребеҙ билдәләнгән ҡый түгеү урынына барып етмәйенсә, арба - арба итеп юл ситтәренә түгеп китә. Нисек аҙ булһа ла оялмайһығыҙ һуң, һеҙ? Беҙ, мәҙәниәт, ауыл биләмәһе хакимиәте хеҙмәткәрҙәре, ауыл старостаһы, депутаттар, Билал ир - егеттәре ошо урында экологик өмәгә сыҡтыҡ. Күптәре үҙҙәренең тракторҙарын эшкә екте. Исемләп яҙмайым, исемдәрҙе төшөрөп ҡалдырып, кемдәрҙелер үпкәләтеүҙән ҡурҡам. Ауылдаштар, тәбиғәткә шул тиклем битараф булмайыҡсы! (Был фотола өмәгә тиклемге фотолар)






Ә был фотола өмәнән һуңғы фотолар. Хөрмәтле ауылдаштар, һеҙ ошо фотоларҙа айырма күрәһегеҙҙер! Етәрегеҙ, үҙ еребеҙҙең патриоттары булайыҡсы! Ошо ерҙә бит үҙебеҙҙең малдар йөрөй, ошо урындан күрше Күгиҙел ауылына юл үтә. Ә ауылға бит кем генә килмәй, юлдан кем генә үтмәй! Битараф булмайыҡ! Матурлыҡ, таҙалыҡ булған ерҙә иман да, тәртип тә бар!