06.02.2014 «Әлдермештән Әлмәндәр»
6, 7, 12, 14 февралдә Салауат башҡорт драма театрында милли драматургия классигы Туфан Миңнуллин әҫәре буйынса «Әлдермештән Әлмәндәр» спектакленең премьераһы үтә.
Моңһоу комедия тормошобоҙҙоң мәңгелек ҡиммәттәре тураһында. Өлкән булыуына ҡарамаҫтан, күңеле менән йәш, көс-ҡеүәте артып торған Әлмәндәр ҡартҡа Әжәл килә. Бабай бер быуатҡа яҡын йәшәһә лә – уға 91 йәш – тормошҡа һөйөүе һүнмәгән. Бәлки Әжәлде алдап булыр?
Спектаклдең режиссеры – БР-ҙың атҡаҙанған артисы Азат Йыһаншин.
Рәссамы – БР-ҙың атҡаҙанған сәнғәт эшмәкәре Альберт Нестеров.
Музыкаль яҡтан биҙәүсе – БР-ҙың атҡаҙанған артисы Яҡуп Шәрипов.
Ролдәрҙә: Миңнулла Иҙрисов, Гөлсәсәк Шәрипова, Гөлшат Зыязитдинова, Рим Зыязитдинов, Риза Мәһәҙиев, Яҡуп Шәрипов, Ринат Ибәтуллин, Ғәлим Сәлихов, Риф Мусин, Мирас һәм Нәркәс Йомағужиндар, Айһылыу Лоҡманова һәм Ләйсән Хисаметдинова.
Оҡшаш яңылыҡтар
