14.10.2019 БР Хөкүмәтендәге оператив кәңәшмәнең тура тапшырыуы иртәнге сәғәт 10-да башланасаҡ
Республика Башлығы Радий Хәбиров үткәргән кәңәшмәлә БР башҡарма власы, федераль министрлыҡтар һәм ведомстволарҙың төбәк органдары етәкселәре ҡатнашыуы көтөлә.
Ҡала һәм район хакимиәттәре етәкселәре менән видео конференцияһы элемтәһе мәлендә торлаҡ-коммуналь хужалығындағы, юл-транспорт комплексындағы хәлдәргә, "Алтын көҙ - 2019" 21-се Рәсәй агросәнәғәт күргәҙмәһендә ҡатнашыуға йомғаҡ яһаласаҡ.
Кәңәшмәлә Нефтекама, Октябрьский, Сибай, Белорет ҡалаларында һөт кухнялары асыу даталары әйтеләсәк. "Урман картаһы" мобиль ҡушымтаһын булдырыу проекты ҡараласаҡ. Ағымдағы йылдың 9 айында торлаҡ төҙөлөшө, социаль объекттарҙы сафҡа индереү темаһына ла әңгәмә ҡороласаҡ.
Бынан тыш, балалар уйын майҙансыҡтарында ҡаты тағылмалы бәүелсәктәрҙе алмаштырыу һорауы ҡараласаҡ.
Оҡшаш яңылыҡтар
