09.10.2017 2017 йылдың Шәһит Хоҙайбирҙин исемендәге премияһы лауреаттары билдәле булды
Башҡортостан Хөкүмәте бойороғо менән 2017 йыл өсөн Шәһит Хоҙайбирҙин исемендәге премияһына түбәндәгеләр лайыҡ булды:
Воронова Марина Сергеевна, «Стерлитамакский рабочий» гәзите хәбәрсеһе - замандаштарҙың обраҙдарын тыуҙырыуы, уларҙың ыңғай эштәре тураһындағы мәҡәләләре өсөн;
Ишморатова (Аралбаева) Ләйлә Ҡәҙим ҡыҙы, «Башинформ» мәғлүмәт агентлығы күҙәтеүсеһе - Башҡортостандан ситтә йәшәүсе яҡташтарыбыҙ һәм республиканың сәнғәте, мәҙәниәте тураһындағы мәҡәләләләр теҙмәһе өсөн;
Кузбәков Фанил Тимерйән улы, Башҡорт дәүләт университетының журналистика кафедраһы профессоры - республика гәзит-журналдарында башҡорт журналистикаһына, рухи проблемаларға, туған телгә, тәбиғәт һәйкәлдәрен һаҡлауға, материаль һәм рухи мәҙәниәткә, үҙеп килгән быуынды тәрбиәләүгә бағышланған мәҡәләләре өсөн.
Оҡшаш яңылыҡтар
