10.04.2015 Үҙенә – 50, йырҙары ла елле!
Моңло йырҙары, сағыу сығыштары менән тамашасы күңелен арбаған Рәмил Хәзиев “Рәмил Хәзиевҡа – илле, йырҙары ла – елле” тигән тамашаға саҡыра.
Композитор булараҡ, Рәмил Хәзиевтың 30 йыры донъя күрҙе. Ә. Кәшфуллин, Р. Ҡотлоев, А. Игебаев, Р. Вәлиева кеүек шағирҙарҙың һүҙҙәренә ижад ителгән йырҙарын Башҡортостан һәм Татарстандың танылған сәхнә оҫталары яратып башҡара. Рәмил Хәзиевтың концертында башҡорт эстрадаһының сағыу “йондоҙҙар”ы Әлфиә Юлсурина, Фаяз Йәнтүрин, Хәлит, Лилиә, Айнур һәм Илшат Фәтиховтар, Флорида Исмәғилева, Марат Шәйбәков, Мәхмүт Фәтихов, Лилиә Хажиғәлиева ҡатнаша. Тамашала башҡорт, татар композиторҙарының әҫәрҙәре, халыҡ йырҙары яңғыраясаҡ. Һеҙҙе шулай уҡ дәртле бейеүҙәр, уйын-көлкө көтә!
Рәмил Хәзиевтың Хөсәйен Әхмәтов исемендәге Башҡорт дәүләт филармонияһының Ҙур залында 13 апрелдә үтәсәк концертына рәхим итегеҙ, дуҫтар!
Н. АҘНАБАЕВА.
Оҡшаш яңылыҡтар
