02.08.2013 Рафаил Зиннуровҡа – Салауат Юлаев ордены
Башҡортостан Президенты Указы менән БР Дәүләт Йыйылышы – Ҡоролтай Рәйесе урынбаҫары Рафаил Зиннуров әүҙем ижтимағи-сәйәси эшмәкәрлеге өсөн юғары дәүләт наградаһына – Салауат Юлаев орденына лайыҡ булды.
Рафаил Зиннуров дүртенсе саҡырылыштың иң әүҙем парламентарийҙарының береһе һанала. Юридик фәндәр докторы, профессор, ун китап һәм йөҙгә яҡын ғилми публикация авторы.
Рафаил Нариман улы әүҙем йәмәғәт эшмәкәрлеге алып бара, Рәсәй менән Әрмәнстан хеҙмәттәшлеген нығытыуға күп көс һала. Журналистар, Яҙыусылар һәм Рәссамдар союздары ағзаһы ла. Башҡортостан Республикаһының атҡаҙанған юрисы, Шәһит Хоҙайбирҙин исемендәге премия лауреаты.