05.04.2013 Президенттың яңы кәңәшсеһе
Башҡортостан Президенты республиканың төньяҡ-көнсығыш райондарын үҫтереү буйынса үҙенә кәңәшсе тәғәйенләне. Ул – Владимир Солин.
Владимир Иванович 1947 йылда Дыуан районының Мәсәғүт ауылында тыуған. Силәбе политехник институтын тамамлаған. 2006 йылдан – Дыуан муниципаль районы хакимиәте башлығы.
Владимир Солин “Башҡортостан Республикаһының атҡаҙанған ауыл хужалығы хеҙмәткәре” исеменә лайыҡ, БР Дәүләт Йыйылышы – ҡоролтайҙың Почет грамотаһы менән наградланған.