22.03.2013 Ҡар ҙа яуа, ямғыр ҙа

Торған һайын ҡояштың йылыраҡ була барғанын тоябыҙ. Әммә ҡыш һаман айҡаша. Синоптиктар вәғәҙәләүенсә, алдағы аҙнала тағы ла ҡар яуыуы ихтимал. Уның артынса уҡ ямғырҙар ҙа булыр. Бына һиңә мә! Һауа температураһы был ялда 4 – 8 градусҡаса йылынһа, яңы аҙна урталарында кире нулдән түбән төшөүе лә бар. Хатта төндә 10 – 12 градус һыуыҡ булыр, моғайын. Был фараз ғына. Барыһына ла асыҡ – хәҙер инде 20 – 30 градуслыҡ һыуыҡтар артта ҡалды.