15.03.2013 Һаумы, йылы!

Ниһайәт, ҡыш еңелеүен таныны, буғай – тышта ҡояш торған һайын көслөрәк йылыта башлағандай. Синоптиктар ҙа йылы көндәр вәғәҙә итә, хатта термометр бағанаһының нулдән өҫкә үрмәләүен фаразлай. Был ялдарҙа уҡ биш градусҡаса йылытыр. Артабан да аҙна дауамында көндөҙ – 4, төндә 12 градустан да һалҡын булмаҫ. Яуым-төшөм – урыны менән. Шулай ҙа, тағы ла алғараҡ китеп, метеорологтар һүҙенә ҡолаҡ һалһаҡ, марттың 20-ләренән һуң да бер аҙ ҡар яумаҡсы.