15.02.2013 Һайлау комиссияһында эшләргә теләһәң…
Башҡортостанда һайлау комиссиялары составына кандидаттарҙы теркәү буйынса әүҙем эш алып барыла. БР Үҙәк һайлау комиссияһы рәйесе Хәйҙәр Вәлиев территориаль һайлау комиссиялары етәкселәренә участка һайлау комиссияларын һәм уларҙың резервтарын формалаштырыу буйынса хәл-торошто баһаларға ҡушты.
БР Үҙәк һайлау комиссияһында ошо көндәрҙә оператив кәңәшмә ойошторолоп, унда Өфө ҡалаһы һәм районының территориаль һайлау комиссиялары рәйестәре сығыш яһаны. Сара биш йылға участка һайлау комиссияларын һәм уларҙың резервтарын формалаштырыу мәсьәләләренә арналды.
Бөгөн сәйәси партияларҙың төбәк бүлексәләренән, йәмәғәт ойошмаларынан, урындағы үҙидараның вәкәләтле органдарынан, һайлаусылар йыйылыштарынан участка комиссиялары составына кандидатуралар буйынса тәҡдимдәр ҡабул итеү бара. Был эш мартта тамамланасаҡ.