19.10.2010 Йәш ғаиләләр дәүләт ярҙамында торлаҡ шарттарын яҡшырта

Туймазы ҡалаһында 21 йәш ғаилә ун миллион һумдан ашыуыраҡ хаҡҡа торлаҡ һатып алыуға (төҙөүгә) субсидияға хоҡуҡ тураһында таныҡлыҡ алды.
Был средстволар Башҡортостан Республикаһында 2002 – 2010 йылдарға «Торлаҡ» федераль маҡсатлы программаһының «Йәш ғаиләләрҙе торлаҡ менән тәьмин итеү» пунктын тормошҡа ашырыу сиктәрендә бүленде. Тағы өс ғаилә (ә йыл башынан алып – һигеҙ ғаилә), торлаҡ шарттарын яҡшыртыуға мохтаж йәш ғаиләләргә дәүләт ярҙамы күрһәтеүсе республика программаһына ярашлы, бала тыуғанда (уллыҡҡа алғанда) йәш ғаиләләргә субсидия биреү өлөшөндә, субсидия алды. Дәүләт ярҙамы алыу бәхетенә өлгәшеүселәр – иҡтисадтың төртө тармаҡтарында эшләүсе, бер-өс балаһы булған 35 йәшкә тиклемге йәштәр һәм яңғыҙ әсәләр. Туймазыла субсидия алыуға иҫәптә бөгөн 1200-ләп йәш ғаилә тора.
Район хакимиәте йәш ғаиләләргә бер тапҡыр бушлай ер участкаһы ла бирә.