26.10.2012 Республика Хөкүмәтенең яңы составы раҫланды

Башҡортостан Президенты Рөстәм Хәмитов үҙенең “Башҡортостан Республикаһында башҡарма власть органдары структураһын камиллаштырыу буйынса саралар тураһында” Указы менән Хөкүмәттең яңы составын раҫланы.
Указға ярашлы, Президент Хөкүмәт эшмәкәрлеге һәм уның ағзалары менән етәкселек итә. БР Хөкүмәте составында Премьер-министрҙың туғыҙ урынбаҫары бар. Шул иҫәптә БР-ҙың РФ Президенты янындағы тулы хоҡуҡлы вәкиле.

Яңы Хөкүмәт

БР Хөкүмәте составына түбәндәгеләр инә:
Премьер-министрҙың беренсе урынбаҫары;
Президент Хакимиәте етәксеһе;
Премьер-министрҙың алты урынбаҫары;
Премьер-министр урынбаҫары – Хөкүмәт Аппараты етәксеһе;
Башҡортостан Республикаһының Рәсәй Федерацияһы Президенты янындағы тулы хоҡуҡлы вәкиле – БР Премьер-министры урынбаҫары;
БР торлаҡ-коммуналь хужалыҡ министры;
һаулыҡ һаҡлау министры;
ер һәм мөлкәт мөнәсәбәттәре министры;
мәҙәниәт министры;
урман хужалығы министры;
йәштәр сәйәсәте һәм спорт министры;
мәғариф министры;
тәбиғәттән файҙаланыу һәм экология министры;
сәнәғәт һәм инновация сәйәсәте министры;
ауыл хужалығы министры;
хеҙмәт һәм халыҡты социаль яҡлау министры;
финанс министры;
иҡтисади үҫеш министры;
БР Дәүләт заказдарын урынлаштырыу буйынса дәүләт комитеты рәйесе;
БР Төҙөлөш һәм архитектура буйынса дәүләт комитеты рәйесе;
БР Тарифтар буйынса дәүләт комитеты рәйесе;
БР Сауҙа һәм ҡулланыусылар хоҡуҡтарын яҡлау буйынса дәүләт комитеты рәйесе;
БР Транспорт һәм юл хужалығы буйынса дәүләт комитеты рәйесе;
Матбуғат һәм киң мәғлүмәт саралары буйынса агентлыҡ етәксеһе;
БР Территорияларҙы үҫтереү буйынса агентлыҡ етәксеһе;
Туризм буйынса агентлыҡ етәксеһе;
Мәғлүмәт технологиялары буйынса агентлыҡ етәксеһе;
БР Ветеринария буйынса идаралыҡ начальнигы;
БР Архивтар эше буйынса идаралыҡ начальнигы;
БР Гражданлыҡ хәле акттарын теркәү идаралығы начальнигы;
БР Мәғариф тармағына күҙәтеү һәм контролләү буйынса идаралыҡ начальнигы;
БР Мир судьялары эшмәкәрлеген ойоштороу һәм хоҡуҡи акттар регистрын алып барыу буйынса идаралыҡ начальнигы;
БР Дәүләт торлаҡ инспекцияһы начальнигы;
БР Үҙйөрөшлө машиналар һәм техниканың башҡа төрөнөң техник торошон күҙәтеү буйынса дәүләт инспекцияһы начальнигы;
БР Дәүләт төҙөлөштө күҙәтеү инспекцияһы начальнигы.

Кем нимә өсөн яуаплы?

БР Хөкүмәте Премьер-министрының беренсе урынбаҫары Рәүеф Ноғоманов Торлаҡ-коммуналь хужалыҡ министрлығын, БР Төҙөлөш һәм архитектура, транспорт һәм юл хужалығы буйынса дәүләт комитеттарын, Дәүләт торлаҡ инспекцияһын, Дәүләт төҙөлөштө күҙәтеү инспекцияһын контролләйәсәк.
Премьер-министр урынбаҫары – Хөкүмәт Аппараты етәксеһе – Илшат Тажетдинов Аппарат эшмәкәрлеге өсөн яуаплы.
Премьер-министр урынбаҫарҙары – Лилиә Ғүмәрова – Мәғариф, Хеҙмәт һәм халыҡты социаль яҡлау, Мәҙәниәт, Һаулыҡ һаҡлау министрлыҡтары, Мәғариф тармағын күҙәтеү һәм контролләү буйынса идаралыҡ, Архивтар эше буйынса идаралыҡ, Мотлаҡ медицина страховкалауы буйынса территориаль фонд идаралығы кураторы, Эрнст Исаев Ауыл хужалығы, Тәбиғәттән файҙаланыу һәм экология, Урман хужалығы министрлыҡтары, БР Сауҙа һәм ҡулланыусылар хоҡуҡтарын яҡлау буйынса дәүләт комитеты, Дәүләт техник күҙәтеү (Гостехнадзор), Ветеринария идаралыҡтары, Евгений Маврин – Иҡтисади үҫеш министрлығы, Дәүләт заказдарын урынлаштырыу буйынса дәүләт комитеты, Тарифтар буйынса дәүләт комитеты, БР территорияларҙы үҫтереү буйынса агентлыҡ, Марат Мәһәҙиев – Йәштәр сәйәсәте һәм спорт министрлығы, Туризм буйынса агентлыҡ, БР ЗАГС идаралығы, Салауат Сәғитов ШОС һәм БРИКС халыҡ-ара саммиттарын үткәреү мәсьәләләрен контролләй, Дмитрий Шаронов – Сәнәғәт һәм инновация сәйәсәте министрлығы, Мәғлүмәт технологиялары буйынса агентлыҡ, БР Фәндәр академияһының кураторы.