31.08.2012 Президент яңы кәңәшсе алды
Башҡортостан Президенты Рөстәм Хәмитов үҙенең бойороғо менән Геннадий Букаевты сираттағы советнигы итеп тәғәйенләне.
Геннадий Иванович Букаев 1947 йылдың 15 сентябрендә Ырымбур өлкәһе Абдулла районының Степное ауылында тыуған. Өфө дәүләт нефть институтын, Свердловск юғары партия мәктәбен тамамлаған.
Төрлө йылдарҙа Өфөлә дәүләт нефть институтында, баш ҡаланың Орджоникидзе район советында, КПСС өлкә комитетында инструктор, КПСС-тың Бәләбәй ҡалаһы комитетында беренсе секретарь булып эшләй, БАССР Министрҙар Советында, Башҡортостан Республикаһы буйынса дәүләт һалым инспекцияһында яуаплы вазифалар башҡара. Башҡортостандан киткәс, РФ Һалымдар һәм йыйымдар министрлығының Мәскәү ҡалаһы буйынса идаралығы етәксеһе, РФ һалымдар һәм йыйымдар министры, РФ Хөкүмәте Премьер-министры ярҙамсыһы, РФ Хөкүмәте Рәйесенең беренсе урынбаҫары ярҙамсыһы була.