28.09.2010 Рөстәм Хәмитов «Мотор» предприятиеһында булды
Башҡортостан Президенты Рөстәм Хәмитов “Өфө моторҙар эшләү производство берекмәһе” асыҡ акционерҙар йәмғиәтенең “Мотор” фәнни-производство предприятиеһында булды һәм предприятие етәкселеге менән “Мотор” фәнни-производство предприятиеһының авиадвигателдәр эшләү өлкәһендәге проекттарҙы ғәмәлгә ашырыуҙа ҡатнашыу мөмкинлектәрен, инновацион технологиялар индереү мәсьәләләрен тикшерҙе.
“Өфө моторҙар эшләү производство берекмәһе” асыҡ акционерҙар йәмғиәтенең производство цехтары менән танышыу барышында республика етәксеһе завод продукцияһын ҡараны, авиация двигателдәрен эшләү технологияһы менән танышты, уҡыу-техник үҙәгендә булды.