06.07.2012 Хәйерле сәғәттә, игенселәр!

Башҡортостанда иртә өлгөрөүсе иген культураларын урып-йыйыуға төштөләр. Был изге эш бер юлы республиканың өс районында башланды.
Ужым арышын тәүгеләрҙән булып Мәләүез, Ейәнсура һәм Дүртөйлө райондары хеҙмәтсәндәре сабырға тотондо. Дөйөмләштереп әйткәндә, Башҡортостанда бөтәһе 1 миллион 900 гектар майҙанда иген йыйып алырға кәрәк.
Башҡортостан Республикаһының Ауыл хужалығы министрлығынан алынған мәғлүмәттәр буйынса, быйыл ураҡ былтырғыға ҡарағанда 20 көнгә иртәрәк башланды. Был мөһим эште ашыҡтырыу яҙҙың иртә килеүенә һәм йәйҙең ныҡ эҫе булыуына бәйле.
Л. СОЛТАНОВА.