29.06.2012 Салауат Юлаевҡа яңы һәйкәл?

Өфөлә йәшәүсе пенсионер Әмир Сафин баш ҡаланың Салауат Юлаев проспектына милли геройыбыҙға арналған монумент урынлаштырырға тәҡдим итә.
Салауат Юлаев һәйкәленең проектын тулыһынса әҙерләгән. Һәйкәл-стела үҙе тутыҡмай торған ҡоростан эшләнергә, ә постаменты гранит менән йөҙләнгән кирбестән булырға тейеш, ти проект авторы. “Ул Зәки Вәлиди урамы менән Салауат Юлаев проспекты киҫешкән урынға ҡуйылһа, бигерәк күркәм буласаҡ”, – ти Ә. Сафин.
Әмир Зөфәр улы проектын ҡала хакимиәтенә тәҡдим иткән, әммә әлегә ыңғай яуап булмаған.
Г. ЯХИНА.