01.10.2011 Иң яҡшы райондарға – гранттар
Башҡортостанда иң яҡшы муниципалитеттарға күп миллион һумлыҡ гранттар бирелә. Әле үк 200 млн һумлыҡ гранттар тапшырыла башланы ла инде. Был сумма бер йылға иҫәпләнгән, һәр квартал һайын йомғаҡтар яһала.
БР Иҡтисади үҫеш министрлығында муниципалитеттарҙы алты төп критерий буйынса баһалап, уларҙың рейтингын төҙөй башланылар. Ведомство башлығы Евгений Маврин әйтеүенсә, муниципалитеттарҙы үҫтереү – бөгөн республика етәкселегенең иң өҫтөнлөклө бурыстарының береһе. Иң ҙур бурыстарҙың береһе – муниципалитеттарҙы үҙҙәрен тәьмин итә алырлыҡ кимәлгә еткереү. Әле гранттар бүленеүе уларҙы үҫтереү өсөн ҙур дәртләндереү сараһы булып тора.
С. ЛОТФУЛЛИНА.