19.03.2011 Йылайыр районында – яңы башлыҡ
Йылайыр районы муниципаль район советының 15 мартта үткән ултырышында муниципаль район хакимиәте башлығын тәғәйенләү тураһындағы мәсьәлә ҡаралды.
Конкурс һөҙөмтәләре буйынса Йылайыр районы муниципаль район хакимиәте башлығы вазифаһына контракт буйынса Фәтҡуллин Илгиз Лирман улы тәғәйенләнде.
Фәтҡуллин Илгиз Лирман улы 1976 йылдың 24 майында Учалы районының ҡәйепҡол ауылында тыуған. Юғары белемле – Башҡортостан дәүләт аграр университетын, Рәсәй Сит ил эштәре министрлығының Дипломатик академияһын тамамлаған. Ауыл хужалығы фәндәре кандидаты.
2006 йылдан әлегә тиклем – Башҡортостан Республикаһы Президенты Хакимиәтенең территориялар һәм кадрҙар менән эшләү буйынса идаралығы контроль бүлегенең баш белгесе, территориялар менән эшләү бүлеге советнигы.