28.12.2010 Өфөлә аквапарк төҙөләсәк

Башҡортостанда «СорғоттрубоПроводСтрой» компанияһы президенты Игорь Путин менән компанияның директорҙар советы рәйесе Сергей Кошкин булып китте – улар беҙҙең республика менән инвестиция проекттарын бойомға ашырыу өсөн уңайлы майҙансыҡ булараҡ ҡыҙыҡһынды.
Республика башлығы менән осрашыуҙарында Стәрлетамаҡта нефть-газ табыусы комплекс объекттарын төҙөү буйынса бэк-офис асыу пландары менән уртаҡлаштылар. Инвесторҙар Өфөлә ике «Ашан» мегаүҙәген һәм аквапарк төҙөргә ниәтләй. Рөстәм Хәмитов уларҙың инициативаһын хупланы.