14.12.2010 Салауат эҙҙәре буйлап
Кисә ЮНЕСКО эштәре буйынса Башҡортостан Республикаһы комитеты делегацияһы «Балтик буйы диалогы – Салауат Юлаев эҙҙәре буйлап» халыҡ-ара акцияһында ҡатнашыу өсөн сәфәргә юлланды.
Был сара халыҡ-ара донъя халыҡтары диалогы һәм мәҙәниәтен яҡынайтыу йылы сигендә үтә.
Эстония, Латвия һәм Литвала Башҡортостан делегацияһының рәсми осрашыуҙарын үткәреү күҙалланған. Шул иҫәптә Палдиски ҡалаһы етәкселеге, ошо төбәктәрҙә йәшәүсе милләттәштәребеҙ менән әңгәмәләр, Салауат Юлаев исеме менән бәйле иҫтәлекле урындарға сәйәхәт ҡаралған. Балтик буйының һәр дәүләтендә Башҡортостан тураһында күргәҙмә, артистар сығышы буласаҡ.
А. ЗИННУРОВА.