02.04.2013 Яңы рейстар асыласаҡ
Отпускылар миҙгеле алдынан “Трансаэро” авиакомпанияһы түбәндәге йүнәлештәр буйынса даими халыҡ-ара рейстар аса: Өфө – Пафос (Кипр) – аҙнаһына ике тапҡыр; Өфө – Барселона (Испания) – ун көнгә бер тапҡыр; Өфө – Киев (Украина) – аҙнаһына ике тапҡыр.
“Өфө” халыҡ-ара аэропортынан хәбәр итеүҙәренсә, авиакомпания Өфө – Хургада (Мысыр) маршруты һәм 5 майға тиклем Өфө – Бангкок (Таиланд) маршруты буйынса чартер рейстар яһауын дауам итәсәк.
“Трансаэро” компанияһы мәғлүмәте буйынса, Кипр менән авиабәйләнеш 26 апрелдә асыла. Рейстар һәр шишәмбе һәм йома һайын “Boeing − 738” самолетында башҡарыласаҡ. Юлда булыу ваҡыты – дүрт сәғәт.
Украинаның баш ҡалаһына тәүге рейс 20 апрелгә билдәләнгән. Рейстар һәр кесе йома һәм йәкшәмбе һайын “Boeing – 738” самолетында башҡарыласаҡ. Юлда булыу ваҡыты – дүрт сәғәт.
Оҡшаш яңылыҡтар
