12.03.2013 Берҙәм портал мөмкинлектәрен киңәйтә
Дәүләт һәм муниципаль хеҙмәттәр күрһәтеү буйынса берҙәм портал тураһында беләһегеҙҙер. Быйыл портал сервисы тағы ла әүҙемерәк эшләйәсәк. Ошо ресурс аша табипҡа ла яҙылыу мөмкинлеге тыуа, шулай уҡ китапхана фондының электрон вариантына ла инә аласаҡһығыҙ.
Әле портал фармацевтика өлкәһендә, алкоголь продукцияһын һатыуға лицензия алыу буйынса дәүләт хеҙмәттәре күрһәтә, граждандарға эш табыуҙа ла булышлыҡ итә. Өфө ҡалаһы хакимиәтенең туғыҙ муниципаль хеҙмәтенә лә мөрәжәғәт итергә була. Шулар иҫәбендә – төҙөлөшкә, капиталь төҙөлөш объектын реконструкциялауға рөхсәт алыу, ер участкаларын әҙерләү, раҫлау, теркәү һәм төҙөлөш планы биреү.
Мөмкинлектәрҙе файҙалана белеү – уңыштың яртыһы, тиҙәр. Бөгөн виртуаль донъя мөмкинлектәре беҙҙең тормошҡа тәрәнерәк инә барғанда ошоно иҫтә тоторға кәрәктер. Берҙәм портал pgu.bashkortostan.ru адресы буйынса урынлашҡан.
Т. АМАНОВ.
Оҡшаш яңылыҡтар
