05.07.2013 3-сө Республика башҡорт гимназия-интернатына рәхмәт!

Ҡәҙерле гимназия уҡытыусылары һәм тәрбиәселәре! Һеҙгә ысын күңелдән рәхмәтебеҙҙе белдергебеҙ килә. Бөтә уҡыу осоронда һеҙ балаларға атай ҙа, әсәй ҙә булдығыҙ. Һәр ваҡыт ярҙам ҡулы һуҙҙығыҙ, ҡурсаланығыҙ, мәктәп йылдарын байрамға әйләндерҙегеҙ.
Мәктәп директоры Фәһим Фәрғәт улы Боҫҡонов, йәш булыуына ҡарамаҫтан, ошондай яуаплы эште еренә еткереп алып бара. Уның урынбаҫары, хәҙер инде оҙаҡ йылдар ошо вазифаны башҡарыусы Флүзә Шәкүр ҡыҙы Юламанова һәр бер бала өсөн йәнен бирергә әҙер, тип әйтеү артыҡ булмаҫ. Атай-әсәйҙәр һәр береһе үҙенең балаһы өсөн борсолһа, синыф етәксеһе Рәсимә Наил ҡыҙы Баязитова һәр балаға юл таба белде, үҙенең белеме, тәрбиәһе, аҡылы менән уртаҡлашты. Тәрбиәсебеҙ Гөлназ Марат ҡыҙы Бакирова балаларға икенсе әсәй булып торҙо. Уға айырым рәхмәт. Ҡыйын саҡтарҙы еңергә, улар алдында баш эймәҫкә, бирешмәҫкә өйрәтте.
Гимназияла тырыш, белемле, намыҫлы уҡытыусылар һәм тәрбиәселәр эшләй. Әлфирә Хисамова, Миңлехәйер Солтанғолов, Нәфис Дәүлиев, Маһинур Бикбирҙина, Гүзәлиә Зиянбаева һәм башҡаларҙың һәр береһенә айырым рәхмәт!