29.07.2019 №30 (11233)

“Йәшлек”тең 30-сы һанына күҙәтеү

Гәзитебеҙҙә, һәр ваҡыттағыса, хеҙмәт кешеһенә, оҫталарға, һөнәрлеләргә, матур ғаиләләргә ҙур иғтибар бирелә. Был яңы һаныбыҙҙа ла тәүге биттән башлап өлгө алырҙай егәрлеләр тураһында мәҡәләләр баҫылған.

Үткән аҙнала Өфөлә тәүге хәләл лаборатория асылды. Уның эше менән Гөлнур Ҡыуатова репортажында таныша алаһығыҙ.

“Бер мөхәббәт тарихы” рубрикаһында данлыҡлы, талантлы һәм зыялы нәҫелдәрҙең нисек туғанлашыуын белерһегеҙ.

Йәйҙе һәм уның уңыштарын уңған хужалар, хужабикәләр тулыһынса файҙаланып ҡалырға тырыша. Һөҙөмтәлә баҙ тулы ҡышҡылыҡҡа – запас, келәт тулы шифалы үләндәр һәм миңдек була. Гәзитебеҙҙең был һанында ҡайнатмалар һәм миндек әҙерләү серҙәре менән уртаҡлашабыҙ.

Хикәйә, “Тормош юлдары ҡатмарлы” рубрикалары ла үҙ урынында. Бер тынала уҡырлыҡ, фәһем алырлыҡ яҙмалар – һеҙҙең өсөн, дуҫтар.

Һәм, әлбиттә, көнүҙәк яңылыҡтар, сәйәсәт, спорт, һаулыҡ һаҡлау темаһына ла мәҡәләләр етерлек.

Беҙҙең менән ҡалығыҙ!