07.03.2019 №10 (11213)

“Йәшлек”тең 7 март һанына күҙәтеү

Гәзиттең был һаны 8 март– Халыҡ-ара ҡатын-ҡыҙҙар көнө уңайынан башлыса гүзәл затҡа арналды.

Алһыу Ишемғолова – “Ҡатын-ҡыҙ– милләт әсәһе” республика конкурсының йомғаҡлау кисәһенән, Лилиә Хәлитова “Әсәлек даны” миҙалы тапшырыу тантанаһынан репортаж әҙерләне. Гәзитебеҙҙең был һанында Баймаҡ районынан 95 йәшен билдәләүсе Һауа Юламанова, Ейәнсура һандуғасы Хәлиҙә Ҡолшәрипова, Әбйәлил районының башҡорт теле һәм әҙәбиәте уҡытыусыһы Илсиә Билалова һәм башҡа ҡатындар тураһында мәҡәләләр уҡырһығыҙ. Гөлнур Ҡыуатова билдәле тележурналист, Башҡортостандың атҡаҙанған мәҙәниәт хеҙмәткәре Шәүрә Ғилманова менән “Йәшлек ҡунағы” рубрикаһында әңгәмә ҡорҙо.

Йырсылар һәм сәнғәт әһелдәре ҡатындарына нимә бүләк итә? Ҡатын-ҡыҙҙың асылы ниндәй? Был һорауҙарға яуаптарҙы “Йәшлек” гәзитенең яңы һанында табырһығыҙ.

Шулай уҡ спорт һәм сәйәсәт яңылыҡтары, “Сәләмәтлек” бите, тв-программа, йондоҙнәмә, шағирә Йомабикә Ильясованың өр-яңы шиғырҙары, йәш йырсы Әдилә Килованың аш-һыу рецептары менән таныша алаһығыҙ.

Ҡариҙел районында үткән республикаУрман форумы һәм ошо тармаҡтағы проблемалар хаҡында журналист Зөһрә Йәһүҙина бәйән итә.
Беҙҙең менән бергә ҡалығыҙ!