28.01.2014 Яңауылда – фажиғә
Йәкшәмбе кис Яңауыл ҡалаһының Совет урамындағы 2-се йортта газ баллоны шартлау арҡаһында биш кеше һәләк булған һәм тиҫтәләгәне зыян күргән.
Биш ҡатлы йортта ремонт өсөн алынған 12 литрлыҡ газ баллонынан сығып торған газ, һауа менән ҡатнашып, шартлаған, артынса янғын сыҡҡан. Фажиғә буйынса РФ Енәйәт кодексының 228-се статьяһының 3-сө өлөшө буйынса енәйәт эше асылған.
Башҡортостан Президенты Рөстәм Хәмитов янғын урынында булып, ашығыс кәңәшмә үткәрҙе, зыян күреүселәр менән осрашты, һәләк булғандарҙың туғандарына ҡайғы уртаҡлашыу белдерҙе.
Республика башлығы әйтеүенсә, ошо фажиғәгә оҡшаш ғәҙәттән тыш хәлдәрҙәге кеүек үк, һәләк булыусыларҙың ғаиләләренә бер миллион һумдан да кәм булмаған компенсация түләнәсәк. Башҡа зыян күреүселәргә компенсация күләме тән йәрәхәттәренә, матди юғалтыу күләменә бәйле буласаҡ. Шулай уҡ тән йәрәхәттәре алыусылар республика шифаханаларында бушлай дауалау курсы үтә ала.
Газ шартлау ваҡытында йәрәхәтләнеүселәрҙе Өфөнөң 18-се клиник дауаханаһының тән бешеүҙе дауалау үҙәгенә алып килгәндәр. Шартлау булған фатирҙың 39 йәшлек хужаһы һәм уның 15 йәшлек улы ла дауаханаға һалынған. Уларҙың торошон табиптар бик ауыр тип баһалай. Үкенескә күрә, бәпес табырға йөрөгән хужабикә менән биш йәшлек ҡыҙҙары һәләк булған.
Яңауылда шартлау һөҙөмтәһендә зыян күреүселәргә ҡан Республика ҡан биреү станцияһында, шулай уҡ станцияның Нефтекама филиалында ла ҡабул ителә.
Ошо фажиғәгә бәйле Яңауыл ҡалаһы биләмәһендә ғәҙәттән тыш хәл режимы индерелде.
Зыян күргән граждандарҙың торлағын яңыртыу буйынса дәүләт заказсыһы булараҡ билдәләнгән Төҙөлөш һәм архитектура буйынса дәүләт комитетына Яңауыл районы хакимиәте менән берлектә 27 ғинуарға тиклем Хөкүмәткә торлаҡты яңыртыу буйынса тәҡдимдәр индерергә һәм 2014 йылдың 30 апреленәсә бөтә эштәрҙе тамамларға ҡушылды. Әле йорт халҡы ваҡытлыса урындағы интернатҡа урынлаштырылған.
Тәфтишселәр асыҡлауынса, газ баллоны дөрөҫ тултырылмаған, газ тултырыу станцияһы ла көнкүреш баллондары өсөн тәғәйенләнмәгән булған.
20 ғинуар Яңауылда матәм көнө тип иғлан ителде.
Битараф булмағыҙ
Районда янғындан зыян күреүсе ғаиләләргә ярҙам итеү өсөн иҫәп асылған.
Реквизиттар:
«Наименование получателя: Янаульское финансовое управление (МАУ «Дворец молодежи», л/с 30070002120)
ИНН 0271002940 КПП 027101001
Банк получателя: филиал ОАО «Уралсиб» в г. Уфа,
к/с 30101810600000000770 БИК 048073770, р/с 40701810800053000001
КБК дохода 30399050057060000180
Кейем, башҡа кәрәк-яраҡ йыйыу ҙа ойошторолған: Яңауыл, Азин урамы, 9а, Йәштәр һарайы.
Бөтә һорауҙар буйынса (34760) 5-44-06, 5-01-22 телефондарына мөрәжәғәт итергә була.
* * *
«Рәсәй Ҡыҙыл Тәреһе» ойошмаһының Башҡортостан буйынса төбәк бүлексәһе республиканың бөтә граждандарына зыян күргәндәргә ярҙам итеүҙәрен һорап мөрәжәғәт итте.
Әйберҙәрҙе һәм аҡсаны Өфө ҡалаһы, Карл Маркс урамы, 53-сө йорт адресы буйынса тура «Ҡыҙыл Тәре» йәмғиәтенә килтергә мөмкин. Бәйләнеш өсөн телефон: (347) 251-64-11.
Зыян күреүселәргә ярҙам итеү өсөн иҫәп:
Расч/сч 40703810407250000037 в ОАО «Социнвестбанк», г. Уфа, Кировский доп. офис
Кор/сч 30101810900000000739
БИК 048073739
ИНН 0274037193
КПП 027401001
ОКАТО 80401000000
Назначение платежа: Благотворительное пожертвование пострадавшим от взрыва газа в г. Янауле.