10.05.2017 Йондоҙнамә (8 – 14 май)
Ылаҡ (22.12 – 20.01)
Элекке бурыстарығыҙ даими борсоп торор. Уларҙы ҡайтарыу буйынса күп уйланырға тура килер. Шаршамбыла кемдер үткән ваҡиғаны иҫегеҙгә төшөрөп, кәйефегеҙҙе боҙорға тырышыр. Быға тыныс ҡарағыҙ.
һыуғояр (21.01 – 19.02)
Осорҙоң бер аҙ сыбар килеүе ихтимал. Дүшәмбе-шишәмбе бер аҙ ҡатмарлыраҡ башланһа, артабан барыһы ла яйланыр. Кесе йомала матди хәлегеҙҙе нығыта алырһығыҙ.
Балыҡ (20.02 – 20.03)
Матди хәлегеҙ күҙгә күренеп яҡшырырға тейеш. Ниндәйҙер ҡиммәтле әйбер һатып алырһығыҙ кеүек. Бәғзеләргә кеше араһында йыш булырға кәрәк, был мотлаҡ файҙа килтерер. Йомала мөһим хәбәр ишетерһегеҙ һымаҡ.
Ҡуҙы (21.03 – 20.04)
Һеҙҙең өсөн ҡатмарлы осор килә. Юғалтыуҙар, әсенеүҙәр ҙә булыр. Был йәһәттән шишәмбе хәүефлерәк күренә. Электән тамамланмай ҡалған эштәрегеҙгә яңынан әйләнеп ҡайтырһығыҙ, ахырыһы.
Буға (21.04 – 21.05)
Был арала үҙ көсөгөҙгә генә ышанығыҙ. Әлегә яңы эштәрҙе башларға кәңәш ителмәй. Башлағандарҙы тамамлағандан һуң бер аҙ ял итеп алырһығыҙ. Йомала ниндәйҙер етди һөйләшеү көтөгөҙ.
Игеҙәктәр (22.05 – 21.06)
Аҙна башын әүҙем үткәрерһегеҙ һымаҡ. Күрһәткән тырышлығығыҙ тиҙ һөҙөмтә бирер һәм ҡәнәғәтлек килтерер. Яҡын кешеләрегеҙ менән йомшағыраҡ мөғәмәләлә булырға тырышығыҙ. Йомала икеле хәлгә юлығыуығыҙ бар.
Ҡыҫала (22.06 – 23.07)
Был аралағы үҙгәрештәр алдығыҙҙа яңы мөмкинлектәр асыр кеүек. Шаршамбыла көтөлмәгән матди килем кәйефегеҙҙе күтәрер. Йомалағы ваҡиғалар бик үҙгәреүсән булырға оҡшай, мөмкин тиклем ашыҡмай эш итегеҙ.
Арыҫлан (24.07 – 23.08)
Осор барышында көтөлмәгән сығымдар булыр, аҡсағыҙҙы самалап тотоноғоҙ. Оло йәштәге кешеләр һәм етәкселәр менән аралашҡанда иғтибарлыҡ тураһында онотмағыҙ. Был бигерәк тә шаршамбыға ҡағыла. Йомала бер аҙ көтөлмәгән хәлдәр булыр.
Ҡыҙ (24.08 – 23.09)
Бөтә өлкәлә лә эштәрегеҙ һәйбәт барыр. Шаршамбыла ғына шәхси тормошоғоҙға ҡағылған ҡайһы бер кире ваҡиғалар көтөлә. Йомалағы осрашыу бик өмөтлө булыр, унан ҡәнәғәт ҡалырһығыҙ.
Үлсәү (24.09 – 23.10)
Ваҡ-төйәк мәшәҡәттәр ҙур эштәр менән булышҡанда даими ҡамасаулар. Төп эшегеҙҙә һәр саҡ уяу булығыҙ, кәйефегеҙҙе боҙорға теләүселәр табылып торор. Шишәмбелә үҙ фекерегеҙҙә ныҡ торорға тырышығыҙ.
Саян (24.10 – 22.11)
Һәйбәт аҙна. Элек бармаған эштәрегеҙҙе яңынан ҡуҙғатырға форсат булыр. Ҡайһы бер боҙолған мөнәсәбәттәр ҙә һәйбәтләнер һәм киренән ялғаныр. Осрашыуҙар, аралашыу, сәфәрҙәр мотлаҡ файҙалы үтер. Был арала имтихандарҙы ла еңел бирерһегеҙ.
Уҡсы (23.11 – 21.12)
Үҙегеҙҙе һәр саҡ тыныс һәм ышаныслы тоторһоғоҙ. Шәхси мөнәсәбәттәр маҡтанырлыҡ булыр. Шаршамбыла килем алыуығыҙ бар. Кесе йомала, киреһенсә, ниндәйҙер юғалтыу кисерерһегеҙ, ахыры. Яңы һатып алған кейемегеҙ бәрәкәтле буласаҡ.