10.04.2017 Йондоҙнамә (10-16 апрель)
Ылаҡ (22.12 – 20.01)
Был арала эштәрегеҙ һәйбәт барыр. Элек башҡарған эш өсөн аҡса алыуығыҙ ихтимал. Бурысығыҙҙы ҡайтарыуҙары ла мөмкин. Шаршамбыла кемдер һеҙҙең ярҙамға мохтаж булыр һымаҡ. Шәмбелә арыу ғына сығымдар көтөлә.
һыуғояр (21.01 – 19.02)
Аҙна барышында матди һәм аҡса мәсьәләләре бик шыма ғына хәл ителер кеүек. Тик йыш юхаланырға, алдашырға мәжбүр булырһығыҙ. Шишәмбелә үҙегеҙ ҙә алданырһығыҙ. Өйрәнелгән көн тәртибен һаҡлауығыҙ бик мөһим.
Балыҡ (20.02 – 20.03)
Мәл файҙалы бәйләнештәр урынлаштырыу өсөн уңайлы. Бының өсөн мөмкинлектәр күбәйер. Бик мөһим яңылыҡты ла ишетерһегеҙ. Унан һуң тормошоғоҙҙа ыңғай үҙгәрештәр башланыр.
Ҡуҙы (21.03 – 20.04)
Осор туғандарығыҙ, яҡындарығыҙ менән араны нығытыуға булышлыҡ итер. Шаршамбыла тәжрибәле кешенең кәңәшенә ҡолаҡ һалырға тырышығыҙ. Йомала юғалған әйберегеҙ бик тиҙ икеләтә әйләнеп ҡайтыр.
Буға (21.04 – 21.05)
Аҙнаны әүҙем үткәрерһегеҙ, моғайын. Иңегеҙгә яуаплылыҡ йөкмәтерҙәр. Башҡаларға әллә ни ышанмағыҙ, янығыҙҙа йүнһеҙ бәндәләр ҙә бар. Был арала ялҡауланмағыҙ – осор киләсәгегеҙ өсөн бик мөһим.
Игеҙәктәр (22.05 – 21.06)
Осор мәшәҡәтле көтөлә. Ҡайһы бер мәсьәләләрҙе еңел хәл итерһегеҙ, икенселәрен кисектереп торорға тура килер. Был көндәрҙә кешеләр менән аралашыу ҡәҙимгенән ауырыраҡ булыр. Артыҡ өмөтләндергән, күпте һөйләгәндәргә әллә ни ышанмағыҙ.
Ҡыҫала (22.06 – 23.07)
Аҙна ауырыраҡ үтер һымаҡ. Башлаған эштәрегеҙҙе алып барыу һеҙҙән түҙемлелек һәм үтә тырышлыҡ талап итер. Шәхси тормошоғоҙға был арала тейешенсә иғтибар ҙа бирә алмаҫһығыҙ. Кесе йоманан һуң ғына бер аҙ еңеллек тойорһоғоҙ.
Арыҫлан (24.07 – 23.08)
Дөйөм алғанда, был көндәрҙә бер аҙ ыңғай яҡҡа үҙгәрештәр булыр кеүек. Был йәһәттән шаршамбы бигерәк тә өмөтлө көтөлә. Әүҙемлек, егәрлелегегеҙ ҙә мотлаҡ артырға тейеш. Төп эшегеҙҙә был арала күпкә тынысыраҡ булыр.
Ҡыҙ (24.08 – 23.09)
Аҙна барышында төп эшегеҙҙә ялҡауланмағыҙ, үҙегеҙҙе ыңғай яҡтан күрһәтергә тырышығыҙ. Яңы эш тураһында өмөтлө тәҡдим ишетеүегеҙ бар. Әүҙемлелегегеҙ физик хәлегеҙгә лә һәйбәт йоғонто яһар.
Үлсәү (24.09 – 23.10)
Аҡсағыҙҙы һаҡсыл тотоноғоҙ. Ҡиммәтле әйберҙәр һатып алыуҙы әлегә кисектереп тороғоҙ. Бәғзеләр ошо арала яңы килем сығанағы таба алыр. Шаршамбыла алыҫтан ыңғай хәбәр килер.
Саян (24.10 – 22.11)
Ижади эш менән шөғөлләнгәндәр бигерәк тә уңыр. Улар өсөн “алтын” осор башланасаҡ. Ҡатмарлы саҡтарҙа эске тауышығыҙҙы тыңлағыҙ, ул һеҙҙе алдамаҫ. Был арала һыу буйында күберәк булырға тырышығыҙ.
Уҡсы (23.11 – 21.12)
Аҙнаның тәүге яртыһында күрһәткән әүҙемлегегеҙ әллә ни файҙа бирмәҫ. Күберәк уйлағыҙ, тыңлағыҙ, фекер төйнәгеҙ. Йыш ҡына ваҡ-төйәк мәшәҡәт ҡамасаулап торор. Ҡайһы саҡ кәрәк кешеләрҙе таба алмау эсегеҙҙе бошорор.