20.05.2016 Йондоҙнамә (23 май - 29 май)
Ылаҡ (22.12 – 20.01)
Осор һис тә еңел булырға оҡшамай. Үткән ваҡиғаларҙың шауҡымы күңелегеҙҙе һаман да ҡырыр һымаҡ. Ҡайһы бер яҡшы таныштарығыҙ ышанысһыҙ икәнен күрһәтер. Был арала буш ваҡытығыҙҙы күберәк өйөгөҙҙә үткәрегеҙ.
һыуғояр (21.01 – 19.02)
Барыһы ла һәйбәт барған кеүек. Шаршамбыла күптән туҡтап торған ниндәйҙер кәрәк эште яңынан ҡуҙғатып ебәрә алырһығыҙ. Аҙна аҙағында маҡтау һүҙҙәре лә ишетерһегеҙ, бәлки. Иң уңышлы көнөгөҙ – йома.
Балыҡ (20.02 – 20.03)
Бер-бер артлы төрлө ваҡ-төйәк мәшәҡәт сығып торор. Улар дуҫтарығыҙ менән бәйле булыр. Яңы таныштарығыҙ ҙа ышанысһыҙ күренә кеүек, уларҙың һүҙҙәренә артыҡ ышанмағыҙ.
Ҡуҙы (21.03 – 20.04)
Ғөмүмән, һеҙҙе һәйбәт осор көтә. Шаршамбыла ҡаршылыҡтар күбәйеп китеүе мөмкин. Был көндө һөйләшеүҙәрҙең көткән һөҙөмтәгә килтермәүе лә ихтимал. Кесе йомала уйламаған сығымдар булыр.
Буға (21.04 – 21.05)
Элек тамамланмаған эштәрегеҙ һәр саҡ һиҙҙереп торор. Ошо арҡала бәғзеләр менән арағыҙ ҡырҡыулашып китер, ахыры. Рәсми ойошмалар менән бәйле мәсьәләләр ҙә эсегеҙҙе бошорор.
Игеҙәктәр (22.05 – 21.06)
Уңыштарға өлгәшеү өсөн түҙемлерәк булыуығыҙ хәйерле, һәр хәлдә ашыҡмай эш итегеҙ. Бергә эшләгәндәргә артыҡ ышанмағыҙ, иң кәрәк саҡта төп башына ултыртыуҙары бар. Йомала яҡшы хәбәр ишетерһегеҙ.
Ҡыҫала (22.06 – 23.07)
Төп эшегеҙҙә, ғәҙәттәгесә, төрлө ығы-зығы осрап торор. Дәғүәле хәлдәр ҙә булыр. Мөмкин тиклем алыҫ һәм яҡын араға сәфәрҙәрегеҙҙе кисектереп тороғоҙ. Кесе йомалағы ваҡиғалар бер аҙ кәйефегеҙҙе күтәрер.
Арыҫлан (24.07 – 23.08)
Был арала тормошоғоҙға ниндәйҙер яңылыҡ индерергә тырышырһығыҙ, бәлки. Кешеләрҙең һеҙгә ҡарата ҡарашы үҙгәргәнен асыҡ күрерһегеҙ. Шаршамбылағы ваҡиғаларға еңелерәк ҡарарһығыҙ.
Ҡыҙ (24.08 – 23.09)
Алда һеҙҙе етди үҙгәрештәр көтә. Быға алдан әҙерләнергә тура килер. Күпселек мәсьәләне тура юл менән хәл итеп булмаҫ, урауын эҙләргә тура килер. Был арала иң ышаныслы кешеләргә генә таянығыҙ.
Үлсәү (24.09 – 23.10)
Тормоштоң бар өлкәһендә лә ыңғай үҙгәрештәр асыҡ төҫмөрләнә башлар. Уларға үҙегеҙҙең тырышлығығыҙ менән генә өлгәшерһегеҙ һымаҡ. Шаршамбыла ниндәйҙер элек булған хәлдең шауҡымы һиҙелер.
Саян (24.10 – 22.11)
Был арала йөкләмәләрегеҙ һәм бурыстарығыҙ күбәйеп китер. Уларҙан бер ҙә ҡурҡмағыҙ. Килеп тыуған мәсьәләләрҙе бер-бер артлы хәл итергә көсөгөҙҙән килер. Кесе йомала ыңғай ваҡиға көтөлә.
Уҡсы (23.11 – 21.12)
Ижад менән шөғөлләнгәндәр аҙна араһында мотлаҡ уңыр. Шулай ҙа йондоҙҙар көс-дәртегеҙҙе әрәм-шәрәм итмәҫкә, иң мөһиме, ҙур эштәр менән булышырға кәңәш итә. Аҡсаға мохтажлыҡ кисерһәгеҙ ҙә, бурысҡа инмәҫкә тырышығыҙ.