30.04.2013 Һеҙ йомарт кешеме?

1. Көтмәгәндә ҡулығыҙға ун мең һум аҡса эләкте. Нимә эшләйәсәкһегеҙ?
а) Көндәлек кәрәк-яраҡҡа тотонасаҡмын (0)
б) “Ҡара көн”гә һалып ҡуясаҡмын. Әгәр ҙә дуҫтар бурысҡа һораһа, биреп торам (1)
в) Был аҡсаға дуҫтарым менән рәхәтләнеп күңел асасаҡмын (2)

2. “Бер-береңә торт ташлау” шаян уйынында ҡатнашыр инегеҙме?
а) Юҡ, улай шаяртырға ярамай (2)
б) Әгәр ҙә берәй байрам, йә махсус сара булһа ғына (1)
в) Эйе, әгәр ҙә һуңынан кейемемде йыуып бирһәләр (0)

3. Һеҙгә көсһөҙөрәк партнер менән шахмат (шашка, бильярд) уйнарға тәҡдим итәләр. Һеҙ:
а) Бөтә көсөмә уйнаясаҡмын, әйҙә, иң лайыҡлы еңһен! (1)
б) Баш тартасаҡмын (0)
в) Юрый еңеләсәкмен (2)

4. Дуҫығыҙ менән осрашҡанда: “Хәлең нисек?” тип һорағас, яуапҡа уның бөтмәҫ-төкәнмәҫ проблемалары тураһында монолог ишетәһегеҙ. Һеҙ нимә эшләйәсәкһегеҙ?
а) Эшемдең күплегенә һылтанып, китеү яғын күрәсәкмен (0)
б) Ярҙам ҡулы һуҙасағымды әйтәсәкмен (2)
в) Иң алда уны тыңлаясаҡмын, ә шунан ни эшләрем күренер (1)

5. Тулыһынса хаҡлы икәнегеҙҙе беләһегеҙ, оппонентығыҙҙың фекерен тыңлаясаҡһығыҙмы?
а) Әлбиттә! Бәлки, ул мине ышандырыр! (2)
б) Ваҡытымды юҡҡа әрәм итеп тә тормайым! (0)
в) Бик етди йөҙ менән тыңлаясаҡмын, әммә бер һүҙен дә ҡабул итмәйәсәкмен (1)

8 – 10 мәрәй. Һеҙ иғтибарлы, кешеләргә оҡшай беләһегеҙ. Әммә барыһына ла ярап булмай, шуны онотмағыҙ.
4 – 7 мәрәй. Дуҫтарығыҙға һәм һеҙгә файҙа килтерерлек кешеләргә ярҙам итәһегеҙ, әммә башҡалар өсөн күңелегеҙ ябыҡ. Был насар сифат түгел.
0 – 3 мәрәй. Хатта иң яҡын кешеләр менән аралашыу һеҙгә ҙур проблема тыуҙыра. Алсағыраҡ булһағыҙ, үҙегеҙгә күберәк кеше ылығыр һәм тормошоғоҙ ҙа күпкә сағыуыраҡ булыр