15.04.2019 Йондоҙнамә (15-21 апрель)

[b]Ылаҡ (22.12 – 20.01)
Аҙна уртаса килергә оҡшай. Шишәмбелә иғтибарлы булығыҙ. Был көндө ниндәйҙер сәйер ваҡиғаға осрауығыҙ бар. Уны ваҡыт үткәс кенә тулыһынса аңларһығыҙ, моғайын. Иң һәйбәт көндәрегеҙ – йома һәм шәмбе.

һыуғояр (21.01 – 19.02)
Осорҙоң тәүге яртыһы үтә көсөргәнешле үтер. Дөйөм хәлдәр һеҙҙән түҙемлелек, егәрлелек, ҡайһы саҡта хатта батырлыҡ та талап итер. Күптәргә дошмандары менән асыҡтан-асыҡ көрәшергә тура килер. Иң ауыр мәлдә йондоҙҙар ярҙамынан ташламаҫ.

Балыҡ (20.02 – 20.03)
Ошо арала элек боҙолған мөнәсә­бәттәрҙе ялғай алырһығыҙ, ләкин был оҙаҡҡа бармаҫ. Шишәмбелә ниндәйҙер юғалтыуҙар кисереүегеҙ ихтимал. Артабан хәлдәр ҡатмарлана башлар. Ҡайһы бер алдан төҙөгән маҡсаттарығыҙҙан баш тартырға ла мәжбүр булырһығыҙ.

Ҡуҙы (21.03 – 20.04)
Ваҡыттығыҙҙы әүҙем үткәрерһегеҙ, ләкин аҙнаның йомғаҡтары ҡәнәғәт­ләндермәҫ. Был тәбиғи, сөнки үҙаллы эш итеү мөмкинлеге юҡ, эшмә­кәрлегегеҙ икенсе кешеләр менән бәйле булыр. Йомала ниндәйҙер ҡатмарлы мәсьәләнең сисеү юлын табырһығыҙ.

Буға (21.04 – 21.05)
Һәләттәрегеҙҙе күрһәтергә мөм­кинлектәр булыр һымаҡ. Ниндәйҙер мөһим эште тамамларһығыҙ. Аҙна араһында файҙалы бәйләнештәр ҙә булдырырһығыҙ, һеҙгә уларҙың аҙаҡ кәрәге тейәсәк.

Игеҙәктәр (22.05 – 21.06)
Бөтә эштә лә ышаныслы кешеләргә таянһағыҙ, һәйбәт булыр ине. Күп һөйләгән һәм күпте өмөт иткәндәрҙән ары тороуығыҙ хәйерле. Шаршамбыла уйламаған ерҙән килем алырһығыҙ. Быға уртаҡ тел таба белеүегеҙ ярҙам итер.


Ҡыҫала (22.06 – 23.07)
Эштәрегеҙ яйлана башлар һымаҡ. Матди ҡыйынлыҡтар ғына бер аҙ дауам итер. Шаршамбынан һуң йондоҙҙар әүҙемлегегеҙҙе кәметергә ҡуша. Иңегеҙгә артыҡ яуаплылыҡ алмаҫҡа тырышығыҙ. Күберәк күҙәтегеҙ, фекер төйнәгеҙ.

Арыҫлан (24.07 – 23.08)
Был аҙнала күмәк башҡарған эштәр яҡшы барыр. Быға кешеләр менән уртаҡ тел таба белеүегеҙ һәр саҡ булышлыҡ итер. Хатта ҡайһы бер хәлдәрҙе алдан төҫмөрләрһегеҙ. Аҙна һаулыҡты нығытыу өсөн дә уңайлы.

Ҡыҙ (24.08 – 23.09)
Төп эшегеҙҙә хәлдәр бигүк һәйбәт булмаҫ кеүек. Етәкселәрҙән кемдер эшегеҙгә ҡарата ҡәнәғәтһеҙлек белдерер. Аҙна барышында ҡайһы бер маҡсаттарығыҙҙы үҙгәртергә лә тура килер, моғайын. Ниндәйҙер ыңғай ваҡиға ла булыр, ләкин ул һеҙгә бәләкәй булып күренер.

Үлсәү (24.09 – 23.10)
Алдығыҙҙа яңы мәсьәләләр ҡалҡып сығыр. Бәғзеләр элек белмәгәнде өйрә­нергә мәжбүр булыр. Ғөмүмән, бындай хәл һеҙҙе бер ҙә борсомаҫ, тормошҡа яңыса ҡарай башларһығыҙ. Яңы таныш­тарығыҙға тулыһынса ышанмауығыҙ хәйерле.

Саян (24.10 – 22.11)
Аҙна һәйбәт булыр. Тап был арала нин­дәйҙер ҙур эште уңышлы тамам­ларһығыҙ кеүек. Был үҙ көсөгөҙгә ышанысығыҙҙы тағы ла арттырыр. Шаршамбыла өмөтлө осрашыуҙар булыуы мөмкин. Йомала ыңғай ваҡиғалар көтөгөҙ.

Уҡсы (23.11 – 21.12)
Мәл яңы эштәрҙе башлау өсөн уңайлы. Бәғзеләргә башҡалар менән етәкселек итергә лә тура килер бәлки. Элек хәлдән килмәҫлек күренгән ниндәйҙер ҙур эште лә урынынан ҡуҙғата алырһығыҙ. Бәләкәй уңышһыҙлыҡтар осраһа ла, аҙна менән ҡәнәғәт ҡалырһығыҙ.