19.11.2018 Йондоҙнамә (19-25 ноябрь)

Ылаҡ (22.12 – 20.01)
Мәл яңы эш урыны эҙләү өсөн уңайлы. Бәғзеләр күптән көткән ыңғай хәбәрҙе ишетер һымаҡ. Был арала алыҫ һәм яҡын араға сәфәр­ҙәрегеҙ уңышлы булыр. Үткәндәргә йомғаҡ яһағыҙ, маҡсат ҡороғоҙ, тик был турала бер кем дә белмәһен.

һыуғояр (21.01 – 19.02)
Ҡайһы бер ваҡиғаларҙың башы бөтөнләй уйламағанса йүнәлеш алыр. Был арала эштәрегеҙҙең ваҡытлыса туҡтауы ла бар. Кемдер иңегеҙгә яңы йөкләмәләр һалырға маташыр. Быға ҡаршы торорға тырышығыҙ. Кеше фекеренә таянмағыҙ, үҙ башығыҙ ҙа бар бит әле.

Балыҡ (20.02 – 20.03)
Алдығыҙҙа ҡалҡып сыҡҡан мәсьәләләр тәү ҡарашҡа хәл итә алмаҫлыҡ һымаҡ күренер. Аҙна барышында ниндәйҙер шәхси мөнәсәбәттәрҙең бөтөнләйгә боҙолоуы ихтимал. Быны тыныс ҡабул итегеҙ. Йомала килгәнде бүләк итеп ҡабул итегеҙ.

Ҡуҙы (21.03 – 20.04)
Осор тырыш кешеләр өсөн һәйбәт. Ялҡауҙар был көндәрҙе ҡәҙимгесә үткәрер. Йондоҙҙар был арала ҙур эштәргә тотонмаҫҡа ҡуша. Иң тәүҙә башлағандарын тамамлағыҙ. Кесе йомала дәғүәләрҙән ары тороғоҙ.

Буға (21.04 – 21.05)
Дүшәмбе – шишәмбелә әүҙемлек күрһәтеүегеҙ мотлаҡ уңышҡа килтерер. Йәмәғәт эштәрендә ҡатнашыу бигерәк тә һәйбәт барыр. Яҡын тирәләге кешеләрҙе яҡшыраҡ аңлай башлар­һығыҙ. Бәғзеләрҙең ышанысһыҙ икәнен дә асыҡ күрерһегеҙ.

Игеҙәктәр (22.05 – 21.06)
Ниндәйҙер мәсьәләне хәл иткәндә шишәмбелә яңылыш юлдан китеүегеҙ ихтимал. Хәлде төҙәтеү һеҙҙән көс һәм, иң мөһиме, ваҡыт талап итер. Йондоҙҙар аралашыуҙа йомшағыраҡ булыр­ға, тиҫкәреләнмәҫкә ҡуша. Аҙнаның икенсе яртыһы күпкә тынысыраҡ уҙыр.

Ҡыҫала (22.06 – 23.07)
Был көндәр шәхси тормошоғоҙға күптән көткән тыныслыҡ килтерер. Элекке үпкәләшеүҙәр һәм дәғүәләр ҙә яйлап онотолор. Етди һөйләшеүҙәрҙе кесе йомаға ҡалдырмағыҙ. Был арала күптәр эшендә тулы тәртип урынлаштырыр.

Арыҫлан (24.07 – 23.08)
Бар көсөгөҙҙө йыйып, иң мөһим мәсьәләне генә хәл итеүгә йүнәлтһәгеҙ, һеҙҙе мотлаҡ уңыш көтәсәк. Аҙна белем арттырыу һәм уҡыу өсөн һәйбәт. Иң ауыр имтихандарҙы ла еңел тапшырырһығыҙ. Йомала тотонған эшегеҙҙең аҙағы мотлаҡ яҡшы тамамланыр.

Ҡыҙ (24.08 – 23.09)
Аҙнаның тәүге яртыһында етдиерәк булырға, күңел асыуҙан тыйылырға кәңәш ителә. Төп эшегеҙҙә төрлө хәл ителмәгән мәсьәлә күбәйеп китер. Уларға ныҡлап тотонорға тура килер. Шаршамбынан һуң бер нисә ыңғай ваҡиға көтөгөҙ. Ҡулығыҙға аҡса ла инер.

Үлсәү (24.09 – 23.10)
Мөмкинлектәрегеҙҙе дөрөҫ баһалауығыҙ мөһим. Ҡайһы бер яңы эштәрегеҙ һеҙ уйлағанса бармаҫ кеүек. Аҡсаға ла ҡытлыҡ кисерерһегеҙ. Кесе йоманан һуң хәлегеҙ бер аҙ һәйбәтләнер. Был аралағы танышлыҡтар өмөтһөҙ күренә.

Саян (24.10 – 22.11)
Тормошоғоҙҙа ниндәйҙер үҙгәрештәр көтөлә. Ғөмүмән, бөтә яңылыҡ һеҙҙең файҙаға булырға тейеш. Аҙна уртаһында ниндәйҙер дәғүәгә инеүегеҙ бар. Әгәр ҙә уны тиҙ һәм ашығыс хәл итә алмаһағыҙ, һөҙөмтәләре оҙаҡҡа һуҙылыр.

Уҡсы (23.11 – 21.12)
Осор һәйбәт башланып китер. Шулай ҙа дүшәмбе, шишәмбелә әүҙемлегегеҙҙе бер аҙ кәметеүегеҙ дөрөҫ булыр. Кесе йомала ниндәй­ҙер бигүк килешмәгән тәҡдим ишетерһегеҙ. Унан ҡәтғи баш тартығыҙ. Ғөмүмән, был арала кеше эштәренә ҡыҫылмаҫҡа тырышығыҙ.