03.04.2017 Йондоҙнамә (3-9 апрель)

Ылаҡ (22.12 – 20.01)
Туғандарығыҙ менән аралашҡанда иғтибарлыраҡ булығыҙ. Был арала уларҙан һиҙелерлек ярҙам алырһығыҙ. Өй-йортоғоҙ өсөн ниндәй­ҙер файҙалы эш башҡарырһығыҙ һымаҡ. Йомалағы ваҡиға бер аҙ борсолорға мәжбүр итер.

һыуғояр (21.01 – 19.02)
Көндәр бер ҙә еңел килергә оҡшамай. Элек анһат ҡына күренгән эш тә тырышлыҡ, өҫтәмә көс талап итер. Шаршамбыла ниндәйҙер етди үҙгәрештәр көтөгөҙ. Улар мотлаҡ яҡшыға буласаҡ.

Балыҡ (20.02 – 20.03)
Аҙна башын файҙалы үткәрерһегеҙ. Ҡайһы бер хәл-ваҡиғаларҙы яҡшыраҡ аңлай башлар­һығыҙ. Киләсәккә ҡорған маҡсаттарығыҙ ҙа бер аҙ асыҡланыр. Был арала ҡайһы бер кире күренештәрҙе лә үҙ файҙағыҙға үҙгәртеүгә ирешер­һегеҙ, моғайын.

Ҡуҙы (21.03 – 20.04)
Мәл ҡайһы бер эштәрегеҙҙе тамамлау өсөн уңайлы. Аҙна барышында матди һәм аҡса мәсьәләләре еңел һәм шыма ғына хәл ителер. Кесе йомала өмөтлө яңылыҡ, яҡшы хәбәр ишетер­һегеҙ. Осорҙан бик ҡәнәғәт ҡалырһығыҙ.

Буға (21.04 – 21.05)
Һеҙҙе һәйбәт көндәр көтә. Һуңғы ваҡытта борсоп торған икеләнеүҙәрегеҙ юҡҡа сыға башлар кеүек. Йомала шәхси тормошоғоҙға ҡағыл­ған сетерекле хәл дә еңел генә сиселер, моғайын. Матди эштәрегеҙ яйланыр.

Игеҙәктәр (22.05 – 21.06)
Киләсәккә маҡсаттарығыҙ бер аҙ асыҡланыр. Осорҙо бик әүҙем үткәрерһегеҙ. Яңы эштәр бигерәк яҡшы барыр. Ижади кешеләр­ҙең һәләттәре мотлаҡ асылыр.

Ҡыҫала (22.06 – 23.07)
Артҡа тартҡан, алға барырға ҡамасаулаған нәмәләрҙән ҡотолорға ваҡыт етте кеүек. Ҡайһы бер күптәнге ҡараштарығыҙҙан баш тартырға ла тура килер, бәлки. Был, әлбиттә, еңел булмаҫ, ләкин түҙегеҙ.

Арыҫлан (24.07 – 23.08)
Киләсәк ҡыйынлыҡтарға әҙер булығыҙ. Күпселек эштәрегеҙ ауырлыҡ менән барыр, моғайын. Был арала яҡын маҡсаттарығыҙ тураһында артыҡ һөйләмәүегеҙ хәйерле. Аҙна аҙағына үҙегеҙгә ял бирергә онотмағыҙ.

Ҡыҙ (24.08 – 23.09)
Осор барышында уйлағанығыҙҙы, нигеҙҙә, бойомға ашырыуға өлгәшерһегеҙ. Тик шишәмбелә генә ашығыу арҡаһында артыҡ ырата алмаҫһығыҙ һымаҡ. Киләсәккә лә ҡайһы бер маҡсаттар ҡуя алырһығыҙ, буғай.

Үлсәү (24.09 – 23.10)
Элек яһаған яңылыш аҙымдарығыҙҙы төҙәтеү күп ваҡытығыҙҙы алыр. Дөйөм алғанда, аҙнаның бер аҙ сыбар булыуы көтөлә, юғалтыуҙар һәм килемдәр аралашып торор. Кесе йоманан һуң алдығыҙҙа яңы офоҡтар асылыр.

Саян (24.10 – 22.11)
Иң ҡатмарлы эштәр ҙә әллә ни ауыр күренмәҫ. Ҡайһы ваҡыт өмөт иткәндән дә күберәк эшләр­һегеҙ, бәлки. Үҙ һәләттәрегеҙҙе лә тулыһынса күрһәтерһегеҙ. Аҡса етмәүе генә ҡайһы саҡ бер аҙ ҡамасаулап торор.

Уҡсы (23.11 – 21.12)
Был арала ваҡиғалар барышы күҙгә күренеп яйланыр кеүек. Шаршамбыла ғына кешеләр менән аралашыу ниңәлер ауыр барыр. Йомала һәр саҡ уйлап эш итегеҙ, яңылыш саманы онотоп ҡуйыуығыҙ ихтимал. Аҡса мәсьәләләре яйланыр.