15.02.2011 Тормош ауырлыҡтары хаҡында
Йылға буйында йәш ҡыҙ дуҫы – оло йәштәге моряк менән саф һауала йөрөй. ҡыҙҙың тормошонда бөтәһе лә ыңғай булмай, шуға ла үҙенең уйҙарына сума. ҡыҙ дуҫын тыңлаған һымаҡ ҡылана, әммә уның уйы бөтөнләй икенсе ерҙә. Атлаған һайын ныҡ итеп көрһөнөп, уфтанып ҡуя.
Ир быны тоя, әлбиттә, һәм битараф ҡала алмайынса, ҡыҙҙың нисек тә күңелен күтәрергә теләп:
– Һин нисек уйлайһың, әгәр хәҙер һыуға ҡолап төшһәм, батасаҡмынмы? – тип һорай.
ҡыҙ гөжләп ағып ятҡан һыуға ҡарай һәм:
– Әлбиттә, батасаҡһың, – ти ҙә, көҙән йыйырғандай, тартышып ҡуя.
Тик моряк ҡыҙ менән килешмәй.
– Шикләнәм! Мин әлегә тиклем береһенең дә һыуға ҡолаған өсөн генә батыуын күргәнем юҡ. Һыуҙа оҙаҡҡа ҡалған хәлдә генә батыуың ихтимал.
– ҡара әле, тулҡындар ниндәй көслө, һыу ҙа боҙ һымаҡ һалҡындыр, – ти ҡыҙ, пальтоһының төймәләрен эләктереп. – Иҫән ҡалған хәлдә лә, дауаханаға эләгәсәкһең.
– Һыуҙа оҙаҡҡа ҡалған хәлдә генә. Мин бит моряк! Күп тапҡыр һыуға ҡоланым, шуның өсөн нимә һөйләгәнемде беләм. Беренсе ҡолағанда бик ныҡ ҡурҡтым. Әммә тиҙ генә һыуҙан сыҡҡас, үҙемә бер нәмә лә янамағанлығын аңланым. Һинең тормош ауырлыҡтарың менән дә шулай уҡ, – тип яғымлы ғына мөрәжәғәт итә моряк ҡыҙға. – Ауыр көрһөнөп, насар уйҙарға батып йөрөгәнсе, тиҙерәк был хәлдән сығыу яғын уйлап табырға кәрәк.
Рәмилә ТАЙСЫНОВА тәржемәһе.