11.01.2019 Һибелә сәстәрем

Һибелә сәстәрем, һибелә
Туҙҙыра аяуһыҙ елдәрем.
Тилерә йөрәгем, тилерә
Һағышлы үткәнгә төндәрем.
Һибелә сәстәрем, һибелә
Иркәләп үрһәңсе сәсемде.
Өҙөлә йәндәрем, өҙөлә
Күңелдән моң - һағыш сәселде.
Һибелә сәстәрем, һибелә
Йыймайым толомға, таралһын.
Йөрәктән урғылған моңдарым
Һиндә лә нур булып ҡабынһын.
Һибелә сәстәрем, һибелә
Көтә ул тик һинең ҡулдарҙы.
Өмөтлө, өмөтһөҙ мөхәббәт
Йөрәккә ғүмерлек моң һалды.
Һибелә сәстәрем, һибелә
Үрмәсе толомға, һибелһен.
Йыр - моңға сорналған күңелем
Бәхеткә, шатлыҡҡа күмелһен.