27.07.2018 Үәт, ҡыҙыҡ! (20.07.2018)

* * *
Ике кеше лифттан менгәндә ул туҡтап ҡала. Үҙҙәрен сығарғандарын көткәндә һөйләшеп китәләр.
– Күҙ алдығыҙға килтерәһегеҙме, – ти береһе. – Һалым полицияһы хеҙмәткәрҙәре бөтөнләй оят­һыҙланды. Өсөнсө көн сит илгә сығарманылар. Кисә бөтә карталарымды япҡандар. Әммә мине белмәйҙәр әле! Түләрмен мин уларға! Шунда кабиналағы динамиктан тауыш ишетелә:
– Лифттан сыҡҡың килһә, түләрһең...

* * *
Хәрби кеше өйөнә ҡайтып, ҡатынын һөйәре менән тота.
Пистолетын сығара.
– Киттек минең менән, – тип ирҙе икенсе бүлмәгә алып инә.
– Әйҙә, уға кем кәрәк икәнен асыҡлайыҡ. Мин ике тапҡыр ситкә атам. Икебеҙ ҙә үлгәнгә һалышайыҡ. Ул беренсе кемгә йүгереп килһә, шуныҡы буласаҡ, – ти.
Атыу тауышы яңғырай. Ҡатын, тәҙрәне асып:
– Сәлим, ин, был ике иҫәр бер-береһен атып үлтерҙе! – тип ҡысҡыра.
* * *
– Һин был бисәгә нисек өйләнергә булдың?
– Нисек? Һөйләшеп ултырҙыҡ-ултырҙыҡ та, башҡа һөйләр нәмә ҡалмағас, үҙенән-үҙе тәҡдим яһалды ла ҡуйҙы.

* * *
Йорт хайуандарын һатҡан баҙар­ҙа бер ир ҙур айыу менән йөрөп ята икән. Быны һаҡсылар туҡтатҡан.
– Беҙҙә бындай йыртҡыс хайуандар менән йөрөргә ярамай!
– миңә былтыр тоҡомло йомшаҡ ҡына көсөк тип һатҡан ирҙең күҙенә ҡарағым килә!

* * *
Бер егет студенттар ятағына инеп бара икән. Уны вахтер туҡтатҡан.
– Кем янына?
– Ә һеҙ кемде тәҡдим итер инегеҙ?