08.03.2011 Үәт, ҡыҙыҡ!

– Эй, дуҫҡайым, мине хөрмәт итәһеңме?
– Был хаҡта һин яңы ғына һораның бит инде.
– Һәм һин нимә тип яуап бирҙең?
– Хәтерләмәйем...

* * *
Рядовой – прапорщиктан:
– Һеҙ футбол уйнарға яратаһығыҙмы?
– Әлбиттә, яратам.
– Һеҙҙең яратҡан командағыҙ ниндәй?
– «Смирно».

* * *
– Олатай, ысынлап та, яуызлыҡҡа ҡаршы изгелек менән көрәшергә кәрәкме?
– Эйе. дөрөҫ.
– Улайһа миңә туңдырмаға аҡса бир әле, һинең күҙлегеңде ваттым.

* * *
ҡатын гәзиткә «Тор­мош иптәше эҙләйем» тип иғлан бирә. Бер-ике көндән тиҫтәләгән хат ала. Һәр береһендә бер генә юл: «Минекен ал!!!»

* * *
Ат бәйгеһенә йө­рөргә ғәҙәтләнгән иренә сығып китәм тигәндә генә ҡатыны:
– Йөрөмә, – ти. – һинең бейәң әле генә телефондан шылтыратты. Яңы йылда билдәләнгән бәйге булмай, ти. Һуңынан сабышырһығыҙ.

* * *
– Берәй сибәрерәк ҡыҙҙы күреүең була, эргәңдәге ҡатыныңды бөтөнләй онотоп ебәрәһең.
– Киреһенсә, – ти ире, – мин өйләнгән булыуымды ҡабат- ҡабат иҫкә төшөрәм.

* * *
ҡыҙға егетенән СМС-хәбәр килә. Унда: «Был абонент кейәүгә сығыуығыҙҙы һорай», – тиелгән. ҡыҙ яуап яҙа: «Хөр­мәтле абонент! Үке­нескә күрә, һеҙҙең был операцияны баш­ҡарыр өсөн аҡсағыҙ етерлек түгел».