19.02.2011 Үәт, ҡыҙыҡ!

Ике әхирәт һөйләшә:
– Һинең ирең бигерәк шәп кеше инде, ҡара, үҙеңә ниндәй затлы һәм матур тун алып биргән.
– Ул был тунды мотлаҡ алып бирергә мәжбүр булды. Сөнки уның үҙебеҙҙең өй йыйыштырыусы ҡыҙ менән үбешеп торғанын күрҙем.
– Ниндәй оятһыҙлыҡ! Ул ҡыҙҙы өйөгөҙҙән ҡыуып сы­ғар­ғанһыңдыр тип уйлайым.
– Әлегә юҡ. Миңә тағы бер нисә бик ҡиммәтле әйбер кәрәк...

* * *
Милиционер машинаны туҡтата:
– Взвод командиры Козлов, – тип үҙе менән таныштыра һәм водителдән документтарын күрһәтеүен талап итә.
– Кемдәрҙең взвод командиры, тинегеҙ әле? – ти водитель.

* * *
Бер бур көн hайын өйөнә нимә булhа ла урлап алып ҡайта.
Бер көндө юлы уңмаған, сәлдерерлек нәмә тапмаған. Шуға ҡайғырып, күңеле төшөп ҡайтып килгәндә башына бер уй килә. Кәпәсен сисеп алыҫҡа сөйгән, алан-йолан ҡаранып, уны йүгереп барып алған да, тиҙ генә ҡуйынына тыҡҡан. Курткаhын эләктереп, кәпәсе төшмәhен өсөн ҡулы менән ныҡ итеп иҙеүен тотоп, ҡәнәғәт булып ҡайтып киткән.

* * *
Иҡтисади хәл әлеге ваҡытта шул тиклем ауырлашты, хатта хәҙер ҡатын-ҡыҙҙар кейәүгә мөхәббәт буйынса сыға.

* * *
Ике дуҫ осраша. Береһе:
– Үҙемә шул тиклем шәп машина һатып алдым! Хәҙер теләһә ҡайһы ерҙә йөрөйөм, береһе лә туҡтатмай. Теләгән еремдә машинамды туҡтатып, өйөмә ҡайтып китә алам, уның ҡарауы, бының өсөн бер тин дә аҡса түләмәйем. Улай ғына ла түгел, килеп туҡтауым була, машинама урын биреп торалар, – тип маҡтана.
Икенсеһе:
– Һин нимә? «Бугатти» алдыңмы ни?
– Юҡ...
– Улай булғас?
– Эвакуатор һатып алдым...