05.04.2011 «Бүреләр» гастролгә сыға
«Бүреләр» төркөмө йәштәр араһында ҙур популярлыҡ яулаған рок-төркөм булып танылды. Уларҙың сығышын күптәр түҙемһеҙләнеп көтөп ала. Әле күптән түгел генә улар «ҡалъя» һәм «ҡараташ» төркөмдәре менән берлектә Өфөләге «Иҙел» кафеһында концерт ойошторғайны.
Ә хәҙер егеттәр республика буйлап гастролгә юллана. Кисә концерт Салауат ҡалаһында үтте. Бөгөн – Стәрлетамаҡта, 6-нда – Баймаҡта, 7-ндә – Сибайҙа, 8-ндә – Аҡъярҙа, 9-нда Силәбелә үтәсәк. 14 апрелдә Өфө тамашасылары рок-төркөмдөң концертына килә ала.