05.04.2013 Изге эштән ситтә ҡалмағыҙ!
13 апрелдә Өфөнөң «Нефтсе» мәҙәниәт һарайында «ҡурай» музыка телеканалы Татарстандың һәм Башҡортостандың сәнғәт «йондоҙ»ҙары ҡатнашлығында «Иман нуры халҡыма» тип аталған концерт үткәрә. Тамашаның маҡсаты – Башҡортостан телевидениеһы дикторы, Балаҡатай районының почетлы гражданы Флүрә Мырҙинаның тыуған ауылы – Балаҡатай районының Үтәш ауылындағы мәсет төҙөлөшөнә ярҙам итеү. Хәйриә акцияһының проекты сиктәрендә һәр кем килеп төҙөлөшкә иғәнә лә индерә ала.
Тамашала Башҡортостан артистары Иҙрис Ғәзиев, Светлана Арғынбаева, Азат Айытҡолов, Альберт Шаһиев, Фәрүәз Урманшин, Әлфиә Юлсурина, Вилдан Яруллин, Алина Дәүләтханова, Зилиә Бәхтиева менән Татарстандан Зөһрә Шәрифуллина, Зөлфиә менән Жәүит Шәкировтар сығыш яһаясаҡ.
Концертты Флүрә Мырҙина менән Илдар Ғүмәров алып барасаҡ.
Тамашанан ситтә ҡалмағыҙ, мәсет төҙөлөшөнә һеҙҙән дә ярҙам булып, үҙегеҙгә оло сауап алырһығыҙ.
Т. АМАНОВ.
Оҡшаш яңылыҡтар
15.08.2019 - Мәҙәниәт һәм сәнғәт Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”
20.04.2019 - Мәҙәниәт һәм сәнғәт Башҡортостандың атҡаҙанған артисы Лилиә РӘСҮЛЕВА: «Күңелем романтикаға тартыла»
