12.06.2015 “Гүзәл” менән гүзәл еңеү
Яҙыусы Зөһрә Бураҡаеваның “Гүзәл” исемле хикәйәһе Мәскәүҙә үткән “Яңы әҙиптәр” халыҡ-ара конкурсында өсөнсө урын алды. Бәйгене “Дикси Пресс” нәшриәте ҡарамағындағы әҙәби агентлыҡ ойошторған. Яҙыусының был әҫәре “Иҫтәлеккә фотоһүрәттәр” йыйынтығында донъя күрәсәк. Конкурс лауреаттарына аҡсалата премиялар тапшырылды һәм “Яңы әҙиптәр – 2016” бәйгеһендә ҡатнашыу хоҡуғы бирелде.
Шәйехзада Бабич исемендәге республика дәүләт йәштәр премияһы лауреаты Зөһрә Бураҡаева республика халҡына документаль, анимацион, нәфис фильмдарҙың сценарий авторы, башҡорт телендәге “Хыялый япраҡ” хикәйәләр йыйынтығы, тәржемәләр китабы авторы булараҡ яҡшы таныш. Ул шулай уҡ төрлө концерттарға, театрлаштырылған тамашаларға ла сценарийҙар яҙа.
Оҡшаш яңылыҡтар
15.08.2019 - Мәҙәниәт һәм сәнғәт Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”
20.04.2019 - Мәҙәниәт һәм сәнғәт Башҡортостандың атҡаҙанған артисы Лилиә РӘСҮЛЕВА: «Күңелем романтикаға тартыла»
