26.03.2013 Диңгеҙ аръяғында Башҡорт урамдары
Американың Төньяҡ Каролина һәм Калифорния штаттарында Башҡорт исемле урамдар бар, тип яҙа “Комсомольская правда” гәзите. Тағы ла Англияның Вестбери ҡалаһында бер урам башҡорттар хөрмәтенә аталған, бында Башҡорт шоссеһы бар.
Рәсәй ҡалаларына килгәндә, Дондағы Ростов, Пермь, Волгоград, ҡазанда Башҡорт урамдары буйлап йөрөргә мөмкин. Тағы Украинаның Харьков, Донецк, Краматорск, Днепропетровск, ҡаҙағстандың Алматы ҡалаларында Башҡорт урамдары һәм тыҡрыҡтарына килеп төртөлөргә була.
ҡыҙыҡ өсөн, Эфиопияла – Өфө, Иранда Салауат ҡалалары бар. Ғөмүмән, Салауат батырҙың исеме киң таралған, уның хөрмәтенә хатта йыһандағы бер астероид та аталған. Баҡһаң, Марс һәм Юпитер планеталары араһындағы йыһан есемен 1979 йылда Бельгия астрономдары асҡан һәм башҡорт ҡалаһы исемен биргән.