06.08.2011 Ирәмәл беҙҙе көтә

«Ирәмәл» тәбиғәт паркында ял итеү тағы ла камиллаштырылып, заманға яраҡлаштырыла. Быға тиклем туристар ҡайҙа урын тапһа – шунда туҡталып ял итә ине. Хәҙер парк етәкселәре улар өсөн махсус туҡталҡалар эшләргә кәрәклеге тураһында уйлай башлаған.
«Ирәмәл» тәбиғәт паркы директоры Раян Шаһимөхәмәтов әйтеүенсә, улар туристик маршруттарҙы билдәләп, ял итеү урындары булдыра башлаған. Был ниәтте тормошҡа ашырыу өсөн аҡсаны, башлыса, бағыусылар бүләсәк. Әлегә нисә туҡталҡа буласағын аныҡ ҡына белмәйҙәр.